ЖУКОЎСКІ (ЖУКОВСКИЙ) Пётр Васілевіч

[1876, в. Анікавічы Горацкага пав. Магілёўскай губ., цяпер Горацкі р-н Магілёўскай вобл. — ?]. Беларус. З духоўнага саслоўя. Скончыў духоўную семінарыю. З 1913—14 настаяцель Мікалаеўскай царквы в. Старое Сяло (Стараселле) Мсціслаўскага пав. Магілёўскай губ., цяпер Мсціслаўскі р-н Магілёўскай вобл. Быў жанаты, меў трое дзяцей. Арыштаваны 23.4.1936 у Оршы Віцебскай вобл. Асуджаны 6.9.1936 са святаром Іаанам Крэмнем паводле пастановы калегіі НКВД за «антысавецкую дзейнасць» дa 5 гадоў ППК і 3 гадоў пазбаўлення правоў. Далейшы лёс невядомы. Рэабілітаваны 11.3.1992 прэзідыумам Вярхоўнага суда БССР. Групавая справа Ж. і інш. захоўваецца ў архіве УКДБ Віцебскай вобл.

Кр.: Памятная книжка Могилевской губернии; БНДЦЭД.