ЖДАНАЎ (ЖДАНОВ) Канстанцін

[1875 — 1918]. З сям’і святара, настаяцеля Свята-Успенскага храма ў мяст. Шаркаўшчына Дзісенскага пав. Віленскай губ., цяпер райцэнтр Віцебскай вобл. Скончыў Віленскую духоўную семінарыю. Рукапаложаны ў іерэя. Пасля смерці бацькі прызначаны на яго месца. Разам з прыхаджанамі адбудаваў у цэнтры мястэчка новы храм у гонар іконы «Усіх смуткуючых радасць», але працягваў служыць ва Успенскім. Арыштаваны ў 1918. Каб спыніць спробы прыхаджан вызваліць святара, чэкісты перавезлі яго ў Дзісну. Услед за ім паехалі жанчыны. Ноччу айца Канстанціна, яго заступніц і арыштаванага ў Дзісне святара Міхаіла Сіняўскага павялі на расстрэл. Жанчын расстралялі па дарозе. Міхаілу Сіняўскаму ўдалося уцячы, а айцец Канстанцін быў збіты рыдлёўкамі і яшчэ жывы закапаны ў зямлю. Пазней прыхаджане адкапалі цела святара і перахавалі пад алтаром Свята-Адзігітрыеўскай царквы ў Дзісне.

Кр.: Памятная книжка Виленской губернии; www.hramvsr_by-искусства-портретная галерея.htm.