ДАРКЕВІЧ (ДАРКЕВИЧ) Эрнст Фрыцавіч

[1884, в. Латрошча, цяпер Магілёўскі р-н — ?]. Латыш. З сялянскай сям’і. Кіраўнік хора царквы ў роднай вёсцы. Арыштаваны 17.4.1929. Асуджаны 21.6.1929 з актыўнымі прыхаджанамі Ерафеем Бікасавым (1898), Сцяпанам Кудзелькам (1899), Мікалаем Макарэвічам (1888), братамі Марцінам Эйзенграўдам (1877), Фамой Эйзенграўдам (1892) калегіяй АДПУ за «агітацыю супраць савецкай улады» да 5 гадоў ППК. Этапаваны ў Салавецкі канцлагер АДПУ Архангельскай вобл. Далейшы лёс невядомы. Рэабілітаваны 16.6.1989 прэзідыумам Магілёўскага абл. суда. Групавая справа Д. і інш. № 10589 захоўваецца ў архіве УКДБ Магілёўскай вобл.

Кр.: НАРБ, ІКБР.