ГУРЫНОВІЧ (ГУРИНОВИЧ) Юльян Іванавіч

[1882, в. Сярэдзіна (Серадзіна), цяпер тэрыторыя Пухавіцкага р-на Мінскай вобл. (вёска не існуе) — 13.10.1937, Мінск, турма НКВД]. Беларус. З сям’і свяшчэннаслужыцеля. Да арышту служыў псаломшчыкам у Ільінскай царкве в. Шацк Пухавіцкага р-на Мінскай вобл. (паводле інш. звестак дыякан царквы в. Сярэдзіна). Арыштаваны 18.9.1937. Асуджаны 6.10.1937 тройкай НКВД за «антысавецкую агітацыю» да ВМП з канфіскацыяй маёмасці. Расстраляны. Рэабілітаваны 18.4.1956 прэзідыумам Мінскага абл. суда. Асабовая справа Г. № 5886-с захоўваецца ў архіве КДБ Беларусі.

Кр.: Синодик за веру и церковь Христову пострадавших в Минской епархии.