ГАРОДСКІ (ГОРОДСКИЙ) Іаан Пятровіч

[1869, Мсціслаў Магілёўскай губ. — ?], святар. Скончыў духоўнае вучылішча. У 1900—10-я г. служыў у Пакроўскім храме ў мяст. Дабрамыслі Аршанскага пав. Магілёўскай губ., цяпер Лёзненскі р-н Віцебскай вобл. Арыштаваны 25.11.1937 у в. Пятніцкае Мсціслаўскага р-на Магілёўскай вобл. Асуджаны 26.12.1937 за «антысавецкую прапаганду» да 10 гадоў ППК. Далейшы лёс невядомы.

Кр.: Памятная книжка Могилевской губернии; За Христа пострадавшие.