ГАРБАЧЭЎСКІ (ГОРБАЧЕВСКИЙ) Флор Грыгор’евіч

[16.8.1888, Аршанскі пав. Магілёўскай губ. — пасля 1948]. З сялянскай сям’і. На выдатна скончыў 4-класную школу. Каля 5 гадоў працаваў настаўнікам. З 1918 псаломшчык Аляксандра-Неўскай царквы в. Крапіўна Горацкага пав. Магілёўскай губ., цяпер Аршанскі р-н Віцебскай вобл. У 1910 ажаніўся з Лабацэвіч Марфай Міхайлаўнай (н. ў 1896). Арыштаваны ў 1936. Асуджаны да 5 гадоў пазбаўлення волі. Вызвалены ў 1940. Вярнуўся на радзіму. Падчас 2-й сусветнай вайны заставаўся на акупаванай тэрыторыі. Зноў служыў псаломшчыкам у Крапіўніцкай царкве. 12.10.1947 рукапаложаны ў сан дыякана ва Уваскрасенскім храме ў Барысаве. Працягваў служыць у Аляксандра-Неўскай царкве в. Крапіўна.

Кр.: НАРБ, ІКБР; Ахіў Мінскага епархіяльнага ўпраўлення, ф. 1, в. 2, с. 433.