БЯЛОВА (БЕЛОВА) Яўгенія Фёдараўна

[1909, Магілёў — ?], служачая. Беларуска. Дачка Фёдара Бялова. Атрымала сярэднюю спецыяльную адукацыю. У 1920-я г. сакратар епіскапа Магілёва. Арыштавана 5.3.1933 у Магілёве па адрасе: вул. Энгельса, д. 6. Асуджана калегіяй АДПУ 9.6.1933 за «антысавецкую агітацыю» і як «удзельніца контррэвалюцыйнай царкоўна-паўстанцкай арганізацыі» да 3 гадоў высылкі ў Казахстан. Далейшы лёс невядомы. Рэабілітавана пракуратурай БССР 18.7.1989. Групавая справа Б. і інш. № 27605-с захоўваецца ў архіве КДБ Беларусі.

Кр.: НАРБ, ІКБР.