БЫКАЎ (БЫКОВ) Антон Сцяпанавіч

[1870, в.  Подрава Барысаўскага пав. Мінскай губ., цяпер Барысаўскі р-н Мінскай вобл. — 10.3.1938, Барысаў, турма НКВД]. Беларус. З сялянскай сям’і. Член царкоўнага савета храма св. Андрэя Юродзівага ў Барысаве. Падчас арышту пісар арцелі «Чырвоны харчавік». Арыштаваны 5.2.1938 у Барысаве па адрасе: вул. Калгасная, д. 16. Асуджаны 14.2.1938 тройкай НКВД як «член контррэвалюцыйнай групы царкоўнікаў» і за «антысавецкую агітацыю» да ВМП з канфіскацыяй маёмасці. Расстраляны. Рэабілітаваны 1.6.1957 прэзідыумам Мінскага абл. суда. Групавая справа Б. і інш. № 10397-с захоўваецца ў архіве КДБ Беларусі.

Кр.: БНДЦЭД; Синодик за веру и церковь Христову пострадавших в Минской епархии.