БУТОМА Уладзімір Пятровіч

[1879, в. Верамейкі Чэрыкаўскага пав. Магілёўскай губ., цяпер Чэрыкаўскі р-н Магілёўскай вобл. — 1.11.1937, Гомель, турма НКВД], протаіерэй. Скончыў духоўную семінарыю. З 1910 настаяцель Мікалаеўскай чыгуначнай царквы ў Гомелі Магілёўскай губ. У 1920-я г., верагодна, служыў у Спаса-Праабражэнскай царкве ў Гомелі. Арыштаваны 11.5.1927 (?). Асуджаны калегіяй АДПУ 16.9.1927 да 3 гадоў высылкі ў Сібір. Паўторна арыштаваны 20.8.1937. Тройкай НКВД 30.10.1937 прыгавораны да ВМП. Расстраляны. Рэабілітаваны 11.7.1988.

Кр.: Памятная книжка Могилевской губернии; Памяць. Гісторыка-дакументальная хроніка Гомеля. У 2 кн. Кн. 1-я. Мн., 1998.