БАБОЎСКІ (БОБОВСКИЙ) Яўгеній Адамавіч

[17.8.1890, Гродна — 27.12.1972, Тосна, Ленінградская вобл.], протаіерэй. У 1910 скончыў Санкт-Пецярбургскую духоўную семінарыю. У 1918—19 псаломшчык Увядзенскага сабора Петраграда. 27.8.1920 епіскапам Кранштацкім Венядзіктам (Плотнікавым) рукапаложаны ў дыякана, 28.8.1920 — у святара. Служыў ва Увядзенскім, з 1.11.1924 у Мікалаеўска-Богаяўленскім саборах. Арыштаваны 26.11.1924. Высланы ў Нованікалаеўск Краснаярскага краю. З чэрв. 1925 да ліст. 1928 зноў у кліры Мікалаеўска-Богаяўленскага сабора. Узнагароджаны санам протаіерэя. З 1929 да 1943 — у зняволенні (ссылка, ППК). У 1943 адкрываў Успенскую царкву ў Енісейску Краснаярскага краю, дзе служыў да 17.1.1953. 6.7.1953 прызначаны настаяцелем Казанскай царквы ў Тосне Ленінградскай вобл.

Літ.: Санкт-Петербургской епархии Синодик.