АЧАПОЎСКІ (ОЧАПОВСКИЙ) Нікіфар Сямёнавіч

[1863, Слуцк Мінскай губ., цяпер райцэнтр Мінскай вобл. — ?]. Беларус. Служыў псаломшчыкам у Слуцкай Міхайлаўскай царкве. Арыштаваны 14.3.1933 у Слуцку па адрасе: вул. Глухая, д. 26. Асуджаны 9.6.1933 з 20 святарамі Слуцкага вікарыяцтва асобай нарадай пры АДПУ за «контррэвалюцыйную агітацыю» дa 3 гадоў высылкі. Далейшы лёс невядомы. Рэабілітаваны 17.7.1989 пракуратурай БССР. Групавая справа А. і інш. № 27605-с захоўваецца ў  архіве КДБ Беларусі.

Кр.: БНДЦЭД.