ШЫМАНКА Мікалай Піліпавіч

[3.3.1901, в. Дабучын Пружанскага пав. Гродзенскай губ., цяпер Пружанскі р-н Брэсцкай вобл. — ?], навуковец. З сялянскай сям’і. Атрымаў вышэйшую адукацыю. Падчас арышту навуковы супрацоўнік БелАН. Арыштаваны 17.3.1935 у Мінску па адрасе: вул. Першамайская, д. 13/18, кв. 4. Асуджаны асобай нарадай пры НКВД 7.7.1935 за «антысавецкую агітацыю» да 5 гадоў ППК. Этапаваны ва Ухта-Пячорскі канцлагер НКВД Комі АССР. Вызвалены 17.3.1940. Далейшы лёс невядомы. Рэабілітаваны пракуратурай БССР 20.7.1989. Асабовая справа Ш. № 25843-с захоўваецца ў архіве КДБ Беларусі.

Кр. геагр.: Рапановіч. Слоўнік геаграфічных назваў.