САРАКОШ Іван Іўсцінавіч

[24.9.1899, в. Залчнікі (?) Бельскага пав. Гродзенскай губ., цяпер Падляшскае ваяв., Польшча — 31.10.1937, Мінск, НКВД], вайсковец. З сялянскай сям’і. У 1919 уступіў у ВКП(б). Атрымаў вышэйшую адукацыю. Падчас арышту камандзір 4-га стралковага палка. Быў жанаты, гадаваў дваіх дзяцей. Арыштаваны 20.6.1937 у Мінску. Выключаны з ВКП(б). Асуджаны пазасудовым органам НКВД 30.10.1937 за «вайскова-фашысцкую змову» да ВМП. Расстраляны. Рэабілітаваны ваеннай калегіяй Вярхоўнага суда СССР 16.12.1958. Асабовая справа С. № 13439-с захоўваецца ў архіве КДБ Беларусі.