ЮРАШКЕВІЧ Іван Іванавіч

[22.6.1905, Мінск — ?], навуковец. Атрымаў вышэйшую адукацыю. Падчас арышту аспірант БелАН. Арыштаваны 18.7.1930 у Мінску. Асуджаны паводле пастановы калегіі АДПУ СССР 10.4.1931 як «член контррэвалюцыйнай арганізацыі» да 5 гадоў ссылкі. Тэрмін адбываў у Пашахонні (Яраслаўская вобл.). Рэабілітаваны судовай калегіяй па крымінальных справах Вярхоўнага суда БССР 30.1.1956. Групавая справа Ю. і іншых № 20951-С з фотаздымкам захоўваецца ў архіве КДБ Беларусі.