НАВАРА Леанід Аляксандравіч

[1928, мяст. Сянно Магілёўскай губ., цяпер райцэнтр Віцебскай вобл. — ?], падчас арышту ваеннаслужачы вайсковай часці № 22819 (належала да войск ВМФ). Арыштаваны 17.11.1952. Асуджаны 23.1.1953 за «ўдзел у антысавецкай арганізацыі «СБМ» да 25 гадоў ППК. Этапаваны ў адзін з канцлагераў ГУЛАГа (п/с 242/374). Вызвалены 23.4.1956. Рэабілітаваны. Далейшы лёс невядомы. Асабовая справа Н. № П-7260 захоўваецца ў архіве УКДБ Гродзенскай вобл.

Кр. геагр.: Волости и важнейшие селения; Рапановіч. Слоўнік геаграфічных назваў.