ПАЛЯШЧУК Мікалай Сямёнавіч

[1927, в. Вулька Дастаеўская Кобрынскага пав. Брэсцкага ваяв., цяпер Іванаўскі р-н Брэсцкай вобл. — ?], службовец. З бел. сялянскай сям’і. У час 2-й сусветнай вайны заставаўся на акупаванай тэрыторыі. У другой палове 1940-х г. атрымаў сярэднюю спецыяльную адукацыю, працаваў загадчыкам сепаратарнага пункта ў в. Вулька Дастаеўская. Арыштаваны 24.10.1949. Асуджаны 7.12.1949 за «сувязь з бандай АУН» да 8 гадоў ППК і 5 гадоў пазбаўлення правоў. Вызвалены 2.12.1954. Далейшы лёс невядомы. Рэабілітаваны Вярхоўным судом БССР 3.10.1975. Асабовая справа П. № 6808-с з фотаздымкам захоўваецца ў архіве УКДБ Брэсцкай вобл.