САЛАВЕЙ Уладзімір Антонавіч

[1923, в. Прошчыцы Слуцкага пав. — ?], педагог, верагодна, брат Івана Антонавіча і Фёдара Антонавіча Салаўя. З бел. сялянскай сям’і. Атрымаў сярэднюю або сярэднюю спецыяльную адукацыю. Працаваў настаўнікам у Варанянскай СШ Астравецкага р-на Гродзенскай вобл. У час 2-й сусветнай вайны заставаўся на акупаванай тэрыторыі. Арыштаваны 29.12.1944 у в. Варняны. Асуджаны асобай нарадай пры НКВД 8.4.1946 як «член антысавецкай арганізацыі СБМ» да 5 гадоў ППК. Этапаваны ў адзін з канцлагераў Горкаўскай вобл. Вызвалены 28.8.1949. Далейшы лёс невядомы. Рэабілітаваны прэзідыумам Мінскага абл. суда 31.3.1962. Асабовая справа С. № 17575-с захоўваецца ў архіве КДБ Беларусі.

Кр. геагр.: Назвы населеных пунктаў.