ЛЫЧКОЎСКІ Максім Піліпавіч

[1915, в. Хватаўка, цяпер Круглянскі (?) р-н Магілёўскай вобл. — ?], інжынер-гідраакустык, вайсковец. З бел. сялянскай сям’і. Атрымаў вышэйшую адукацыю. Падчас першага арышту служыў у ваеннай часці 40092 Ціхаакіянскага флоту. Арыштаваны 5.11.1952 ва Уладзівастоку. Асуджаны 29.1.1953 за «контррэвалюцыйную агітацыю і прапаганду» да 10 гадоў ППК. Вызвалены і рэабілітаваны Вярхоўным судом СССР у перыяд 25.6—6.8.1954. Зноў асуджаны 14.12.1957. Абвінавачваўся ў тым, што «зрабіў антысавецкія надпісы на будынках Кіеўскага гарадскога савета, будаўнічага ўпраўлення і інш.». Далейшы лёс невядомы. Асабовая справа Л. № 8315-сн з фотаздымкам захоўваецца ў архіве УКДБ Магілёўскай вобл.

Кр. геагр.: Рапановіч. Слоўнік геаграфічных назваў.

Літ.: 580.