ФУРСАЎ Васіль Пятровіч

[1915, в. Горня Магілёўскай губ., цяпер Хоцімскі р-н Магілёўскай вобл. — ?], ?. З бел. сялянскай сям’і. Вышэйшую адукацыю атрымаў у другой палове 1930-х г. Арыштаваны 8.12.1942. Асуджаны асобай нарадай пры НКВД 27.11.1943 за «дэзерцірства і антысавецкую агітацыю» да 10 гадоў ППК. Далейшы лёс невядомы. Рэабілітаваны пракуратурай БВА 27.11.1989. Асабовая справа Ф. № 13680-сн з фотаздымкам захоўваецца ў архіве УКДБ Магілёўскай вобл.

Кр. геагр. : Рапановіч. Слоўнік геаграфічных назваў.