СУХАВЕРХ Уладзімір Васілевіч

[1912, в. Бузуны Навагрудскага пав. Мінскай губ., цяпер Нясвіжскі р-н Мінскай вобл. — ?], селянін-аднаасобнік, верагодна, брат Віктара Сухаверха. З бел. сялянскай сям’і. Арыштаваны 2.4.1932 у в. Новая Гута Капыльскага р-на Мінскай вобл. Асуджаны «тройкай» НКВД 21.7.1932 за «антысавецкую агітацыю» да 3 гадоў пазбаўлення волі. Далейшы лёс невядомы. Рэабілітаваны пракуратурай БССР 17.11.1989. Асабовая справа С. № 29340-с захоўваецца ў архіве КДБ Беларусі.

Кр. геагр.: Рапановіч. Слоўнік геаграфічных назваў.

[From the book: vol. III, book 2, p. 332]