СТАРЫНСКАЯ (ІВАНОВА) Клаўдзія Ільінічна

[1907, Віцебск — ?], навуковец, жонка Васіля Старынскага. З сям’і рабочага. Атрымала вышэйшую адукацыю. Падчас арышту асістэнт Віцебскага ветэрынарна-заалагічнага інстытута. Была замужам, гадавала дваіх дзяцей. Арыштавана 10.11.1937 у Віцебску па адрасе: вул. 1-я Ветэрынарная, д. 10. Асуджана асобай нарадай пры НКВД 16.5.1938 за «антысавецкую дзейнасць» да 5 гадоў ППК. Далейшы лёс невядомы. Рэабілітавана трыбуналам БВА 4.3.1958. Асабовая справа С. захоўваецца ў архіве УКДБ Віцебскай вобл.

[From the book: vol. III, book 2, p. 309]