ЛЕВІН Шая Ільіч

[1905, Вілкавішкіс, цяпер Літва — 9.7.1938, Мінск, НКВД], педагог, адміністрацыйны работнік. З сям’і рабочага. Атрымаў вышэйшую адукацыю. Уступіў у ВКП(б) (1928). Працаваў нам. дырэктара Мінскага хіміка-тэхналагічнага тэхнікума. Быў жанаты, гадаваў дваіх дзяцей. Арыштаваны 4.3.1938 у Мінску па адрасе: Чэрвеньскі тракт, д. 83, кв. 1. Выключаны з ВКП(б). Асуджаны асобай нарадай пры НКВД СССР 26.5.1938 як «літоўскі палітэмігрант» і «з 1924 г. агент Літвы і Польшчы, які нелегальна прыбыў у СССР» да ВМП. Расстраляны. Рэабілітаваны ваеннай калегіяй Вярхоўнага суда СССР 1.12.1956. Асабовая справа Л. № 8178-с захоўваецца ў архіве КДБ Беларусі.

Кр. геагр.: Административно-территориальное деление союзных республик.