РАГАВЕНКА Васіль Канстанцінавіч

[1902, Мінск — ?], службовец. З сям’і рабочага. Атрымаў вышэйшую адукацыю. Падчас арышту інстpуктаp Наркамата асветы БССР. Арыштаваны 29.8.1936 у Мінску па адрасе: Ленінградскі зав., д. 12, кв. 3. Асуджаны 29.5.1938 як «член нацыянал-фашысцкай групоўкі» да 8 гадоў ППК. Этапаваны ў Паўночна-Усходні канцлагер НКВД Далёкаўсходняга краю (бухта Нагаева). Вызвалены 30.8.1944. Вярнуўся на радзіму, жыў у Віцебску. Далейшы лёс невядомы. Рэабілітаваны судовай калегіяй па крымінальных справах Вярхоўнага суда СССР 31.1.1955. Асабовая справа Р. № 6169-с з фотаздымкам захоўваецца ў архіве KДБ Беларусі.