ПРУДНІКАЎ Павел Рыгоравіч

[1900, в. Рэкта Горацкага пав. Магілёўскай губ., цяпер Горацкі р-н Магілёўскай вобл. — ?], педагог. З сялянскай сям’і. Атрымаў вышэйшую адукацыю. Падчас арышту (13.11.1936) выкладчык Магілёўскага педагагічнага інстытута. Асуджаны пазасудовым органам НКВД 27.10.1938 за «контррэвалюцыйную нацдэмаўскую дзейнасць». Пакаранне адбываў у Джамбульскай вобл. Вызвалены 10.8.1954. Далейшы лёс невядомы. Рэабілітаваны пастановай прэзідыума Вярхоўнага суда БССР 13.6.1956. Асабовая справа П. № 5382 захоўваецца ў архіве УКДБ Магілёўскай вобл.

Кр. геагр.: Рапановіч. Слоўнік геаграфічных назваў.