РЭГА (РЭГО) Георгій Робертавіч

[1896, в. Каpоўчына (?) Чавускага пав. Магілёўскай губ., цяпер Магілёўская вобл. — ?], навуковец. З нямецкай памешчыцкай сям’і. Атрымаў вышэйшую адукацыю. Падчас арышту дацэнт Горацкай сельскагаспадарчай акадэміі. Быў жанаты, гадаваў дзіця. Арыштаваны 29.8.1933. Асуджаны 14.11.1933 як «член шпіёнска-дыверсійнай арганізацыі БНЦ» да 10 гадоў ППК. Далейшы лёс невядомы. Рэабілітаваны ваеннай калегіяй Вярхоўнага суда БССР 7.5.1956. Асабовая справа Р. № 5937-с захоўваецца ў архіве КДБ Беларусі.

Кр. геагр.: Рапановіч. Слоўнік геаграфічных назваў.