ПАНКОЎ (ПАНЬКОЎ) Марк Фаміч

[1893, Арол, Расія — ?], артыст. З рускай сялянскай сям’і. Атрымаў сярэднюю спецыяльную адукацыю. У 1919—21 служыў у Чырвонай арміі. Падчас арышту саліст Беларускага тэатра оперы і балета. Арыштаваны 19.9.1937 у Мінску. Асуджаны тройкай НКВД 4.12.1937 за «антысавецкую агітацыю» да 10 гадоў ППК. Этапаваны ва Унжэнскі канцлагер МДБ Горкаўскай чыгункі (ст. Сухабязводная). Далейшы лёс невядомы. Рэабілітаваны 12.12.1956 прэзідыумам Вярхоўнага суда БССР. Асабовая справа П. № 8084-с захоўваецца ў архіве КДБ Беларусі.