ЯЦКЕВІЧ Сцяпан Вікенцевіч

[1890, мяст. Смалявічы Барысаўскага пав. Мінскай губ., цяпер райцэнтр Мінскай вобл. — 17.9.1938, Масква, «Камунарка», НКВД], службовец. З сям’і бел. рабочага. Атрымаў вышэйшую адукацыю. Уступіў у ВКП(б). Апошняе месца работы — начальнік АКБ Галоўнага аддзела шашэйных дарог СССР. Падчас арышту пенсіянер. Арыштаваны 7.4.1938 у Маскве па адрасе: Ленінградская шаша, д. 92/94, кв. 72. Асуджаны 17.9.1938 за «ўдзел у контррэвалюцыйнай тэрарыстычнай арганізацыі» да ВМП. Расстраляны. Рэабілітаваны ваеннай калегіяй Вярхоўнага суда СССР 26.1.1957.

Кр.: Расстрельные списки: «Коммунарка».