УРБАНОВІЧ Іван Андрэевіч

[17.4.1893, Беласток Гродзенскай губ., цяпер Польшча — 21.3.1938, Віцебск, НКВД], музыкант. З сялянскай сям’і. У 1930-я г. кіраваў аркестрам духавых інструментаў Віцебскай інструментальнай фабрыкі. Быў жанаты, меў дваіх дзяцей. Арыштаваны 17.1.1938 у Віцебску па адрасе: вул. Бакуніна, д. 16. Асуджаны 26.2.1938 паводле пастановы калегіі АДПУ СССР за «шпіянаж на карысць Польшчы» да ВМП. Расстраляны. Рэабілітаваны ваеннай пракуратурай БВА 9.11.1989. Асабовая справа У. захоўваецца ў архіве УКДБ Віцебскай вобл.