КРУКОЎСКІ Аляксандр Іосіфавіч

Меў незакончаную вышэйшую адукацыю. Быў жанаты, гадаваў дзіця. Член ВКП(б) (да 1935). Арыштаваны 8.12.1936 у Мінску па адрасе: вул. Савецкая, д. 148/19, кв. 2. Асуджаны «тройкай» НКВД 30.11.1937 за «контррэвалюцыйную дзейнасць» да 10 гадоў ППК. Этапаваны, хутчэй за ўсё, ва Ухта-Пячорскі, затым Ухта-Іжэмскі альбо Пячорскі канцлагеры НКВД Комі АССР. Загінуў у зняволенні. Рэабілітаваны судовай калегіяй па крымінальных справах Вярхоўнага суда БССР 30.5.1956. Асабовая справа К. № 5949-с з фотаздымкам захоўваецца ў архіве КДБ Беларусі.

[From the book: vol. III, book 2, pp. 604–605]