КРАЧАТОВІЧ Мікалай Мікалаевіч

[1906, Вільня — ?], навуковец. З сям’і службоўца. Атрымаў вышэйшую адукацыю. У 1930-я (?) г. дацэнт кафедры электратэхнікі Мінскага політэхнічнага тэхнікума. Быў жанаты, гадаваў дзіця. Арыштаваны 22.12.1944 у Мінску па адрасе: вул. Пушкіна, д. 61, кв. 2. Асуджаны 26.12.1945 асобай нарадай пры НКВД за «здраду радзіме» і «пасобніцтва нямецкім акупацыйным уладам» да 5 гадоў ППК. Далейшы лёс невядомы. Рэабілітаваны 3.2.1956.

[From the book: vol. III, book 2, p. 604]