ЗАМОЦІН Іван Іванавіч

З сялянскай сям’і. У 1893 скончыў з залатым медалём Пскоўскую гімназію. Першы раз арыштаваны ў 1921, другі ў 1934. Падчас трэцяга арышту акадэмік БелАН. Арыштаваны 4.4.1938 у Мінску па адрасе: вул. Савецкая, д. 19, кв. 3. Асуджаны асобай нарадай пры НКВД 5.8.1939 як «удзельнік контррэвалюцыйнай арганізацыі» да 8 гадоў ППК. Загінуў 25.5.1942 у зняволенні. Рэабілітаваны судовай калегіяй па крымінальных справах Вярхоўнага суда БССР 18.4.1956. Асабовая справа З. № 5890-с з фотаздымкам захоўваецца ў архіве КДБ Беларусі.