АРЛОЎСКІ (СВІРЫДОЎСКІ) Баляслаў (Казімір) Іванавіч

[1907, в. Хмелеў (?) Бельскага пав. Гродзенскай губ., цяпер Польшча — 27.8.1937, Мінск, турма НКВД], службовец. З рабочай сям’і. Атрымаў сярэднюю адукацыю. Падчас арышту галоўны адміністратар Тэатра юнага гледача. Арыштаваны 6.5.1937 у Мінску па адрасе: вул. Ямная, д. 3, кв. 3 (26.7.1933 у гэтай жа кватэры была арыштавана Яніна Мястоўская). Асуджаны 25.8.1937 «тройкай» НКВД за «шпіянаж» да ВМП. Расстраляны 27.8.1937 ў Мінскай турме НКВД. Рэабілітаваны 30.6.1989 пракуратурай БВА. Асабовая справа А. № 27772-с захоўваецца ў архіве КДБ Беларусі.