АЛЕКСАНДРОВІЧ Андрэй Іванавіч

З сям’і рабочага. Быў жанаты, гадаваў дваіх дзяцей. Арыштаваны 2.7.1938 у Мінску па адрасе: вул. Савецкая, д. 168, кв. 54. Асуджаны пазасудовым органам НКВД 22.4.1939 як «член антысавецкай нацыяналістычнай арганізацыі» і за «шпіёнскую дзейнасць» да 15 гадоў ППК з канфіскацыяй маёмасці і 5 гадоў пазбаўлення правоў. Этапаваны ў Нарыльскі канцлагер НКВД Краснаярскага краю. Некаторы час пакаранне адбываў разам з П.Пруд­нікавым. Вызвалены 11.2.1947. Зноў арыштаваны 26.2.1949 і 8.6.1949 асуджаны на ссылку. Рэабілітаваны пленумам Вярхоўнага суда СССР 25.11.1955. Асабовая справа А. № 5654-с захоўваецца ў архіве КДБ Беларусі.