БУШМАКОЎ Уладзімір Ільіч

[1892, Перм, Расія — ?], навуковец. З сям’і служачага. Атрымаў вышэйшую адукацыю. Працаваў загадчыкам кафедры Віцебскага медыцынскага інстытута. Быў жанаты, гадаваў дваіх дзяцей. Арыштаваны 29.12.1948 у Віцебску па адрасе: вул. Фрунзе, д. 7. Асуджаны асобай нарадай пры НКВД 20.4.1949 за «тэрарыстычныя намеры» на спецпасяленне. Высланы ў Краснаярскі край. Далейшы лёс невядомы. Рэабілітаваны Цэнтральнай камісіяй па перагляду спраў асуджаных 31.5.1954. Асабовая справа Б. захоўваецца ў архіве УКДБ Віцебскай вобл.