БАЯРЫН Міхаіл Сцяпанавіч

[1922, Мінскай губ. — ?], артыст. З бел. рабочай сям’і. Атрымаў сярэднюю спецыяльную адукацыю. Да арышту саліст балета Беларускага дзяржаўнага ансамбля песні і танца (Гродна). Арыштаваны 18.5.1946. Асуджаны 7.8.1948 асобай нарадай НКВД як “сацыяльна-небяспечны элемент” да 5 гадоў ППК. Этапаваны ў адзін з магаданскіх канцлагераў МДБ. Далейшы лёс невядомы. Рэабілітаваны 29.4.1960 судовай калегіяй Вярхоўнага суда БССР. Асабовая справа Б. № П-7143 захоўваецца з фотаздымкам у архіве УКДБ Гродзенскай вобл.