БАБТУТА Еўдакія Мікалаеўна

[1916, в. Себяхі Віцебскага пав., цяпер у складзе Віцебска — ?], мастачка. З сялянскай сям’і. Атрымала сярэднюю адукацыю. Працавала ў Віцебскіх мастацкіх майстэрнях. У час 2-й сусветнай вайны заставалася на акупаванай тэрыторыі. Арыштавана 9.6.1945. Абвінавачвалася ў «супрацоўніцтве з нямецкімі акупантамі», але праз некалькі месяцаў справа Б. была спынена, а яна вызвалена. Далейшы лёс невядомы. Рэабілітавана УКГБ Віцебскай вобл. 4.10.1945.

Кр. геагр.: Рапановіч. Слоўнік геаграфічных назваў.