ГРЫНЁЎ Уладзіслаў Аркадзевіч

[сак. 1891, Магілёў — ?], журналіст. З дваранскай сям’і. Атрымаў сярэднюю адукацыю. Працаваў загадчыкам вайсковага аддзела газ. «Рабочий» (?). Арыштаваны 9.1.1931 у Мінску па адрасе: Лагойскі зав., д. 13, кв. 1. Асуджаны паводле пастановы калегіі АДПУ СССР 18.7.1931 за «садзейнічанне белапалякам» да ВМП (прысуд быў заменены на 10 гадоў папраўча-працоўных лагераў). Далейшы лёс невядомы. Рэабілітаваны пракуратурай БВА 31.5.1989. Асабовая справа Г. № 24815-с з фотаздымкам захоўваецца ў архіве КДБ Беларусі.