КІМ Сяргей Фёдаравіч

[3.2.1904, в. Сінельнікава Пакроўскага (?) пав. Далёкаўсходняга краю, цяпер Расія — 7.3.1938, Мінск, НКВД], музыкант, муж Надзеі Радчанка. З сям’і святара. Атрымаў вышэйшую адукацыю. Апошняе месца работы — дырыжор аркестра народных інструментаў Мінскага дома культуры авіятараў. Арыштаваны 10.6.1937 у Мінску па адрасе: Сувязны зав., д. 8/10, кв. 7. Асуджаны «тройкай» НКВД 21.1.1938 як «японскі шпіён» да ВМП. Расстраляны. Рэабілітаваны трыбуналам БВА 14.11.1957. Асабовая справа К. № 11445-с захоўваецца ў архіве КДБ Беларусі.