КАШАЛЮК Валянціна Сямёнаўна

[1928, Мінск — ?], навучэнка. З сям’і службоўца. Мела незакончаную сярэднюю спецыяльную адукацыю. У час 2-й сусветнай вайны заставалася на акупаванай тэрыторыі. Арыштавана 8.9.1944 у Мінску па адрасе: вул. Новамясніцкая, д. 3, кв. 5. Асуджана 30.12.1944 як «член нацыяналістычнай арганізацыі СБМ» і за «контррэвалюцыйную агітацыю» да 5 гадоў папраўча-працоўных лагераў. Вызвалена 4.12.1946. Далейшы лёс невядомы. Рэабілітавана пленумам Вярхоўнага суда СССР 11.5.1960. Асабовая справа К. № 11058-с захоўваецца ў архіве КДБ Беларусі.