КАВАЛЁЎ Казімір Іванавіч

[1927, Барысаў Мінскай вобл. — ?], навучэнец. З сям’і службоўца. У час 2-й сусветнай вайны заставаўся на акупаванай тэрыторыі, выхоўваўся ў дзіцячым доме. Арыштаваны 24.8.1942 (?). Месца арышту невядома. Асуджаны асобай нарадай пры НКВД 3.3.1943 (?) за «прыналежнасць да германскай разведкі» да 5 гадоў ППК. Этапаваны ў Томскую турму № 2. Далейшы лёс невядомы. Рэабілітаваны ваенным пракурорам Беларусі 23.7.1992. Асабовая справа К. № 34337-с захоўваецца ў архіве КДБ Беларусі.