КУСКОЎ (ШМЭКЕР) Ілля Мікалаевіч (Койфманавіч)*

[1922, Петраград або м. Бераздоў, УССР — ?], мастак. З сям’і службоўца. Атрымаў сярэднюю адукацыю. Працаваў у Ваенгандлі БВА. Арыштаваны 22.7.1944 у Мінску па адрасе: вул. М. Горкага, д. 11, кв. 9. Асуджаны асобай нарадай пры НКВД 27.6.1946 за «здраду радзіме» да 2 гадоў пазбаўлення волі і вызвалены з улікам тэрміну зняволення. Далейшы лёс невядомы. Рэабілітаваны пракуратурай БВА 15.10.1992. Асабовая справа К. № 34759-с захоўваецца ў архіве КДБ Беларусі.