КАЗЛОЎСКІ Барыс Іванавіч

[1913, Мінск — ?], мастак. З сям’і рабочага. Атрымаў сярэднюю адукацыю. Працаваў у Мінскім доме (палацы) культуры авіятараў. Быў жанаты, гадаваў траіх дзяцей. У час 2-й сусветнай вайны апынуўся на акупаванай тэрыторыі. Арыштаваны 17.12.1944 у Мінску па адрасе: вул. Брылеўская, д. 8, кв. 1. Асуджаны асобай нарадай пры НКВД 4.3.1946 за «сувязь з немцамі» да года папраўча-працоўных лагераў. Этапаваны ў Паўночна-Уральскі канцлагер МДБ Свярдлоўскай вобл. (Ірбіт, лагпункт № 1). Вызвалены 5.5.1946. Далейшы лёс невядомы. Рэабілітаваны пракуратурай Мінскай вобл. 11.5.1995. Асабовая справа К. № 36246-с захоўваецца ў архіве КДБ Беларусі.