ДАІБРАЎ Іван Іванавіч

[1912, Мінск — ?], мастак. З сям’і рабочага. Атрымаў вышэйшую адукацыю. Працаваў афарміцелем. Быў жанаты, гадаваў дваіх дзяцей. У час 2-й сусветнай вайны заставаўся на акупаванай тэрыторыі. Арыштаваны 23.7.1944 у Мінску па адрасе: вул. Кастрычніцкая, д. 13, кв. 8. Асуджаны асобай нарадай пры НКВД 24.11.1945 за «супрацоўніцтва з нямецкімі акупантамі» да 8 гадоў папраўча-працоўных лагераў. Этапаваны ў Ягрынскі канцлагер МДБ Архангельскай вобл. Вызвалены ў 1952. Далейшы лёс невядомы. Рэабілітаваны пракуратурай Беларусі 15.2.1993. Асабовая справа Д. № 35088-с захоўваецца ў архіве КДБ Беларусі.