КУЗНЯЦОЎ Міхаіл Трафімавіч

[1909, Віцебск — ?], мастак. З сям’і службоўца. Атрымаў сярэднюю спецыяльную адукацыю. Працаваў у віцебскім кінатэатры «Спартак». Быў жанаты, гадаваў дзіця. У час 2-й сусветнай вайны заставаўся на акупаванай тэрыторыі. Арыштаваны 4.11.1944 у Віцебску па адрасе: вул. Крылова, д. 3. Асуджаны пазасудовым органам НКВД 7.12.1945 за «супрацоўніцтва з нямецкімі акупантамі» да 5 гадоў папраўча-працоўных лагераў, 3 гадоў пазбаўлення правоў з канфіскацыяй маёмасці. Вызвалены 31.12.1945. Далейшы лёс невядомы. Рэабілітаваны 30.10.1963. Асабовая справа К. захоўваецца ў архіве УКДБ Віцебскай вобл.