КЕРНАЖЫЦКАЯ Марыя Міхайлаўна

[1902, Мінск — ?], педагог, верагодна, жонка Канстанціна Кернажыцкага. З сям’і рабочага. Атрымала сярэднюю адукацыю. Працавала настаўніцай у Мінскай СШ № 23. Выйшла замуж, мела дваіх дзяцей. Арыштавана 3.1.1945 у Мінску па адрасе: Лагойскі тракт, д. 62, кв. 1. Асуджана 1.9.1945 асобай нарадай пры НКДБ за «антысавецкую дзейнасць» да 10 месяцаў папраўча-працоўных работ. Этапавана ва Унжэнскі канцлагер Горкаўскай чыгункі (ст. Сухабязводная). Вызвалена 18.3.1946. Далейшы лёс невядомы. Рэабілітавана пракуратурай Мінскай вобл. 27.12.1989. Асабовая справа К. № 28858-с захоўваецца ў архіве КДБ Беларусі.