ВАЙНОВІЧ Фёдар Мартынавіч

[1898, в. Рагачы Гродзенскага пав., цяпер Гродзенскі р-н — 28.6.1938, Мінск, НКВД], дзяржаўны служачы, партыйны дзеяч, муж Ганны Пашучэнкі. З сялянскай сям’і. У 1919 уступіў у ВКП(б). Атрымаў вышэйшую адукацыю. Працаваў загадчыкам сельгасаддзела ЦК КП(б)Б. Гадаваў дзіця. Арыштаваны 12.8.1937 у Мінску па адрасе: вул. Ленінская, 2-гі дом Саветаў, 48/23, кв. 6. У сувязі з арыштам выключаны з партыі. Асуджаны пазасудовым органам НКВД 28.6.1938 як «член контррэвалюцыйнай арганізацыі» і за «шкодніцтва ў сельскай гаспадарцы» да ВМП з канфіскацыяй маёмасці. Расстраляны. Рэабілітаваны ваеннай калегіяй Вярхоўнага суда СССР 25.2.1958. Асабовая справа В. № 11487-с захоўваецца ў архіве КДБ Беларусі.

Кр. геагр: Рапановіч. Слоўнік геаграфічных назваў.