ГАЙДУКЕВІЧ Іван Іванавіч

[1898, в. Малькавічы Віленскага пав. Віленскай губ., цяпер Літва — 25.2.1944, Масква, «Камунарка», НКВД], інжынер. З бел. сялянскай сям’і. Атрымаў вышэйшую адукацыю. Падчас арышту галоўны інжынер Маскоўскага камбіната высокагатунковых вырабаў трэста «Хлебапячэнне». Арыштаваны 18.3.1943 у Маскве па адрасе: Скацерны зав., д. 5, кв. 4. Асуджаны ваеннай калегіяй Вярхоўнага суда СССР 13.2.1944 за «ўдзел у контррэвалюцыйнай тэрарыстычнай арганізацыі» да ВМП. Расстраляны. Рэабілітаваны пракуратурай СССР 21.2.1990.

Кр.: Расстрельные списки: «Коммунарка».