КАБАКОЎ Навум Ільіч

[1892, мяст. Беразіно Мінскай губ., цяпер райцэнтр Мінскай вобл. — 10.11.1938, Мінск, НКВД], журналіст. З сям’і службоўца. Атрымаў сярэднюю адукацыю. У 1918 уступіў у ВКП(б). Падчас арышту нам. рэдактара (?) яўрэйскай газ. «Октобэр» («Кастрычнік»). Арыштаваны 2.12.1937 у Мінску па адрасе: вул. Энгельса, д. 6, кв. 8. Выключаны з ВКП(б). Асуджаны «тройкай» НКВД 1.11.1938 за «шпіёнскую і антысавецкую работу на карысць буржуазнай Польшчы» да ВМП. Расстраляны. Рэабілітаваны трыбуналам БВА 12.2.1957. Асабовая справа К. № 9983-с з фотаздымкам захоўваецца ў архіве КДБ Беларусі.