ЕРМАЛОВІЧ Карл Антонавіч

[1891, в. Уроні Віцебскай губ., цяпер Віцебская (?) вобл. — ?], службовец. З бел. сялянскай сям’і. Апошняе месца работы — начальнік фінансавага аддзела Куйбышаўскага завода № 42. Арыштаваны 13.9.1937. Асуджаны асобай нарадай пры НКВД СССР 17.3.1940 за «ўдзел у контррэвалюцыйнай шкодніцкай арганізацыі» і «спробу правядзення тэрарыстычных актаў» да 5 гадоў папраўча-працоўных лагераў. Далейшы лёс невядомы. Рэабілітаваны трыбуналам Прыволжскай ВА 25.10.1955.

Кр.: Белая книга.