ЗАГАРЭЛЬСКІ Савелій Дзям’янавіч

[1.9.1908, в. Загарэльскія Аршанскага пав. Магілёўскай губ., цяпер Аршанскі р-н Віцебскай вобл. — ?], эканаміст. З сялянскай сям’і. Атрымаў вышэйшую адукацыю. Падчас арышту працаваў у Інстытуце эканомікі БелАН. Быў жанаты, гадаваў дзіця. Арыштаваны 20.10.1936 у Мінску па адрасе: 6-я лінія, Аспіранцкі зав. Асуджаны пазасудовым органам НКВД 31.12.1936 за «антысавецкую агітацыю» да 3 гадоў папраўча-працоўных лагераў і 2 гадоў пазбаўлення правоў. Далейшы лёс невядомы. Рэабілітаваны Вярхоўным судом БССР 4.4.1990. Асабовая справа З. № 31270-с з фотаздымкам захоўваецца ў архіве КДБ Беларусі.

Кр. геагр.: Рапановіч. Слоўнік геаграфічных назваў.